Pagsagsaganaan ni Filipina tennis star Alex Eala iti pannakisalipna iti round 32 ti Miami Open.
Nakatuding a sanguenna ti Polish tennis player a ni Magda Linette.
Ti 34-anyos a ni Linette ket addaan ti highest career ranking a 19 a nagun-odna idi Marso 2023.
Manipud iti walo a finals ti WTA tour ket tallo iti napangabakanna a titulo.
Nakadanon pay isuna iti semifinals ti 2023 Autralian Open.
Maipalagip a nakastrek iti round of 32 ti 20-anyos a ni Eala kalpasan nga abakenna ni Laura Siegemund ti Germany.
Iti umuna a set, napaay ti Filipina tennis star, ngem iti panagserrek ti maikadua ken maikatlo a round, impakitana iti panagbalinna nga agresibo.
Maibilang a maysa a rematch iti laban dagiti dua gaputa nagsangoda iti Auckland ASB Open idi bulan ti Enero.###
