Agay-ayam iti maindraw ti WTA 1000 Dubai Duty Free International Tennis Championship ni Filipina tennis star Alex Eala.
Impadamag dagiti organizers a manipud ti qualifying draw ket nag-upgrade ni Eala iti main tournament.
Naisayangkat ti anunsio kalpasan a magun-od na ti ranked 40 iti Women’s Tennis Association (WTA).
Adda ti tyansa na a makasango dagiti sumagmamano a dadakkel a nagan iti tennis nga isuda World No. 1 Aryna Sabalenka ti Belarus, No. 2 Iga Swiatek ti Poland, ken No. 3 Elena Rybakina ti Kazakhstan a nagkampeon iti Australian Open idi napalabas a bulan.
Ti torneo idiay Dubai ket ti maikadua a laban ni Eala idiay United Arab Emirates kalpasan ti WTA 500 Abu Dhabi Open no sadino dimmanon isuna iti singles quarterfinals.
Kalpasan ti torneo idiay Dubai ket agturong ni Eala idiay Estados Unidos tapno makipaset kadagiti sumagmamano a torneo kas iti Indian Wells Open idiay California manipud Marso 4 aginggana 15, ken Miami Open inton Marso 17 aginggana Marso 29.###
