BR LA UNION – Nalpas iti napnuan pakasaritaan a kampanya ti Filipina tennis star a ni Alexandra ”Alex” Eala iti Wimbledon kalpasan a maabak iti maikapat a round.
Naabak ni Eala iti Italyano a ni Jasmine Paolini iti three-set match, 6-4, 4-6, 6-3, idiay London ita nga aldaw.
Iti umuna a set, nagun-od ni Paolini ti kontrol iti laban, ngem nakabawi ni Eala iti maikadwa a set ken pinilit iti deciding set kalpasan a mangabak, 6-4.
Iti maudi a set, nagbalin a dekket ti laban, ngem nagbiddut ni Eala iti sumagmamano a crucial points, isunga nagun-od ni Paolini iti panangabak ken simrek iti quarterfinals ti torneo.
Laksid ti pannakaabak na, nagbalin latta a ballaygi daytoy kenni Eala agsipudta isuna ti kaunaan a Pilipino iti nabayag a panawen, a dimmanon iti maikapat a round ti Wimbledon singles.
Immuna nga inabak na iti world number 1 a ni Iga Swiatek iti maikatlo a round, a maysa nga historic upset iti career na.
Segun kenni Paolini, maragsakan iti panangabak na ken nagyaman iti nasayaat nga atmosphere ti torneo.
