Sanguen ni Filipina tennis player Alex Eala ni World No. 14 Linda Noskova iti Round of 16 ti Indian Wells Open.
Immuna a nagkita dagiti dua iti 2020 French Open Juniors quarterfinals, no sadino inabak ni Eala iti Czech player.
Padasen manen ti Filipina tennis star iti pigsa ni Noskova iti dakdakkel nga entablado.
Maisayangkat iti labanda inton bigat, Mierkoles, Marso 11, iti main court ti Indian Wells Open.
Ni Noskova ket addaan iti career-high ranking a No. 12, bayat a ni Eala ket nakairekord iti career-high a No. 31.
Iti agdama ket adda iti No.14 ti WTA ranking iti batikan a Czech player, bayat a No. 32 met ti Filipina tennis sensation.
Manamnama a makapagagar iti laban dagiti dua nga agpada nga adda iti kangatuan a paset ti karerada.###
