Sangwen ni Filipina tennis star Alex Eala iti beterana a Croatian a ni Donna Vekic iti Round of 32 ti Berlin Open ita a lawas.
Kas wildcard entry iti WTA 500 tournament, namnamaen ni Eala nga agtultuloy iti kampanya na iti grass-court season.
Maipalagip a nagkampeon isuna iti Birmingham Open sakbay a naabak iti second round ti simmaruno a torneo na kontra iti rising American player a ni Iva Jovic.
Immunan a nangabak ni Eala kontra kenkuana iti panagsango da iti ASB Classic, bayat a ni Vekic ket maysa nga experienced player iti WTA circuit, 2024 Paris Olympics silver medalist, ken sigud a Wimbledon semifinalist. Nakailista met isuna ti nauneg a kampanya iti Australian Open ken US Open.
Manamnama nga agbalin a dikit ken nangato iti kalidad ti laban gapu ta agpada a nangipakita ti napintas a porma dagiti dua a players iti agdama a grass-court season.###
