Nakapamaysa itan ti atension ni Filipina tennis star Alex Eala iti WTA 1000 Qatar Open 2026.
Daytoy ket kalpasan iti kampanyana iti singles ken doubles match ti Abu Dhabi Open.
Napaay ni Eala ken ti partner na a ni Janice Tjen ti Indonesia iti women’s doubles semifinals kontra kenni Tereza Mihalikova manipud Slovakia ken Olivia Nicholls ti Great Britain.
Manamnama a makalaban ni Eala idiay Qatar dagiti dadakkel a nagan iti tennis kas ni Iga Swiatek ti Poland, Coco Gauff ti US, ken Elena Rybakina manipud Kazakhstan.
Mangrugi ti nasao a torneo inton aldaw ti Lunes ken manamnama nga agbalin a nabara ti suporta dagiti Filipino fans nga adda idiay Qatar.###
