Target ni Filipina tennis star Alex Eala a makabawi kadagiti napalabas a pannakaabak na babaen iti pannakipaset kadagiti nabatbati pay a torneo ita a tawen.
Nakaituding nga agay-ayam ni Eala iti Ningbo Open sadiay China inton sumaruno a lawas kalpasan a maabak kadagiti tallo nga immuna a torneo. Karaman ditoy iti pannakaabak na iti unseeded Russian a ni Tatiana Prozorova iti Round of 16 ti Singapore Open.
Saan met a nakipaset ni Eala iti China Open agsipudta isuna iti representantes ti Pilipinas iti kalkalpas laeng nga Asian Games.
Karaman met isuna kadagiti simmabak ti Wuhan Open, iti maudi nga WTA 1000 event a nakikaduaan na ita a season.
Kalpasan ti Ningbo Open, makipaset pay isuna ti world No. 19 iti Toray Pan Pacific Open sadiay Tokyo, Japan, manipud Oktubre 26 agingga Nobyembre 1.
Sumaruno met isuna a sumabak iti WTA 250 tournament sadiay Hong Kong manipud Nobyembre 2 agingga 8, a namnamaen a maudi a torneo na para iti 2026 season.
