LA UNION – Naipasidong iti booking procedures ni dismissed Bamban, Tarlac Mayor Alice Guo wenno Guo Hua Ping, kasaruno ti panangipa-aresto kenkuana ti Pasig City Regional Trial Court (RTC) iti kaso a human trafficking.
Kas iti napalabas a booking, naalaan daytoy ti mugshots, finger prints ken naipasidong iti medical checkup.
Maipalagip nga immandar ti Pasig Court nga iyakar ni Guo idiay Pasig City Jail Female Dormitory idi kalman ngem saan a nalpas iti documentations.
Gaputi dayta, posible nga inton Lunes, maiyakar ni ALice iti nasao a jail facility nga iggem ti Bureau of Jail Management and Penology (BJMP).
Immunan a siniguro ti BJMP nga awan ti maipaay nga special treatment para kenni Guo agsipudta agpapada ti panangtrato da iti amin a persons deprived of liberty iti nasao a pasilidad.
