LA UNION – Pagkalkalamaen ni Aringay, La Union Municipal Mayor Eric Sibuma dagiti kakailyanna kalpasan a natay manipud iti ospital dagiti dua a person under investigation.
Base iti official statement ng inruar ti alkalde, dagiti nasao a PUI ket addaan ti hypertension ken diabetes mellitus; ken nakitaand pay iti slight history ti resperatory infection.
Nasken kinuna ni Sibuma a saan nga agdanag dagiti umili ken urayen iti final result ti panangammiris kadagti dua a pimmusay tapno maammuan no dagitoy ket positibo iti coronavirus disease 2019 (COVID-2019).
Inlawlawag ti alkalde a nasken a maipunpon iti uneg ti 12 nga oras wenno ma-cremate ti natay a PUI wenno ti addaan ti COVID-19.
Imbilin metten ni Sibuma kadagiti masekanan a mangisayangkat iti contact tracing.
Kabayatanna, ipanamnama ti alkalde a tumulong ti lokal a gobyerno iti pamilya dagiti pimmusay para iti pannakaipunpon dagitoy.
Nangipeksa met iti pannakipagladingit ni Sibuma kadagiti naulila a pamilya kagiddan iti panangpalagip kadagiti umili a agtalinaed iti babbalayda kabayatan a manarimaan iti panagtrabahoda tapno labanan ti COVID-19.
Aabot sa 1M households sa Region 2, makakatanggap ng ayuda sa Social Amelioration Program
