LA UNION – Naideklara a dead-on-arrival iti Ilocos Training and Regional Medical Center (ITRMC) iti maysa nga American citizen, kalpasan a nadayamgus ti Florida transport bus, agarop alas 2:00 itay parbangon, iti national highway a sakop ti Barangay Lingsat, San Fernando City, La Union.
Nabigbig ti biktima iti nagan a Patrick Leo MaPherson, 55, ken agnanaed itan iti Barangay Ili Sur, San Juan, La Union.
Iti met respondent driver ti Florida bus (plate# UVZ 385) ket managan Igmedio Pascua Jr. 51-anyos, residente ti Barangay 1, Claveria, Cagayan.
Maibasar iti report, bumallasiw koma ti biktima nga agturong iti laud a paset ti kalsada idi madayamgus iti napaspas ken agpa-abagatan a bus.
Gaputi kapigsa ti impact ti aksidente, naipurwak ti biktima ken nagsagaba ti nakaru a pannakadun-dunor iti bagi partikular iti ulo na, puon ti pannakatay.
Kabayatanna, boluntaryo met a simmuko kadagiti otoridad ni Pascua kalpasan ti insidente.
Maisag-sagana itan ti kaso a maidatag kontra daytoy.
Kabayatanna, dimmipensa met iti respondent driver babaen iti panagkunana a kellaat a timmaray a bimmallasiw ti biktima iti kalsada.
Gaputi dayta, saan a naliklikan a madayamgus iti nasao nga U.S. citizen
