Opisyal nga indeklara ti Philippine Atmospheric, Geophysical and Astronomical Services Administration (Pagasa) a simreken ti Amihan season wenno northeast monsoon ita nga aldaw, Oktubre 27, 2026.
Kaipapanan daytoy a marikna iti nalam-lammiis a paniempo ken namnamaen ti cold surges wenno nalam-lammiis pay a panawen iti sumarsaruno a bulan.
Impalawag ti PAGASA iti press release a napetsaan ita nga aldaw ti Martes, a ti pimmigsa a high pressure iti East Asia ket nagresulta iti panagngato ti northeasterly winds ken pinababa na ti temperatura iti angin, partikular iti extreme Northern Luzon.
Dagitoy a parametro iti nangdetermina iti panagrugi ti Amihan season, a manamnama nga agbalin a dominante wenno agpannuray iti dakkel a paset ti pagilian iti sumaganad a bulan.
Malaksid a mangipaay daytoy iti nalammiis a klima ken sagpaminsan a cold surges, mangigubway pay daytoy iti nadawel a kondisyon iti kabaybayan.
Kabayatan ti panagraira ti Amihan, imbaga ti state weather bureau a mabalin a mapakuyogan ti dadduma pay a weather system a kas ti shear line, tropical cyclones ken Intertropical Convergence Zone (ITCZ).
Kabayatanna, agtultuloy ti panang-monitor ti Pagasa iti weather ken climate conditions, partikular iti El Niño a manamnama a pumigsa sakbay nga aggibus ti agdama a tawen.
