LA UNION – Binilin iti liderato ti La Union Police Provincial Office (LUPPO) dagiti amin a chief of police iti intero a probinsiya ti La Union a mangimuntar ti police assistance desk kadagiti pagadalan kagiddan ti panaglukat ti klase inton Lunes, Hunyo 5, 2017.
Segun kenni PCI Silvestre Ordinado, information officer iti LUPPO, iti nasao nga addang ket sungbat iti pannaki-koordinar kadakuada ti Department of Education ( DepEd ) tapno kiddawen ti tulong dagiti otoridad para iti panangbantay ti seguridad dagiti estudyante a sumrek iti pagadalan.
Malaksid dayta, nairanta pay daytoy tapno mabantayan ti naannayas ken naurnos a panaglukat ti klase ken maatipa ti dakes a panggep dagiti manggundaway a tattao.
