LA UNION – Inaresto dagiti otoridad iti anak ti Crown Princess ti Norway gaputi reklamo a panagrames.
Segun iti Norweigan police, adda iti kustodiya da ni Marius Borg Høiby gaputi panagrames.
Segun iti abogado ti biktima nga agtawen ti 20, saanna nga am-ammo iti 27-anyos a ni Holby.
Naam-ammo na laeng ni Holby idi aldaw a napasamak ti insidente.
Nainget met a pinaglibakan iti kampo ni Holby iti nasao alegasyon.
Iti agdama, sumangsango ni Holby iti nagduduma a kaso manipud iti lima a nagduduma a tattao, a pakaibilangan ti uppat a babbai ken maysa a lalaki.
Idi bulan ti Agosto, nakaswan ni Holby gaputi panagatake ken criminal damage iti maysa nga apartment.
