LA UNION – Maysa ita a ‘proud father’ ni Commodore Genito Basilio, Commander ti PCG Palawan, kalpasan a nagturpos iti anak na with honor iti US Coast Guard Academy Class 2021 (USCGA).
Ni Cadet Genison Basilio ket maysa kadagiti uppat a Pilipino a nag-graduar iti US Coast Guard Academy idiay New London, Connecticut idi napan a lawas.
Kadwa na da cadets Eric Joseph Noble, Daisy Anne Atayan, ken Dianne Shaira Basuel.
Iti eksklusibo nga interview ti Bombo Radyo La Union kenni Commodore Basilio, saan da laeng a dayaw a pamilya ngem ketdi dayaw iti Phil. Coast Guard, iti panagturpos dagiti uppat a Pilipino a pakairaman iti anak na.
Istorya ni Commodore Basilio a naggiddan iti panag-apply ni Genison iti PMA ken USCGA, ngem iti naud-udi a pimmasa wenno naawat.
Kinuna na pay a binirngasan da idi ni Genison iti ‘Dota Boy’ agsipudta daytoy iti hilig na ken inawagan na a ‘sablay’ iti panagadal na.
Iti agdama, nagawid ditoy Pilipinas ni Genison ken naka-quarantine ita idiay Manila bayat a ni Commodore Basilio ket nagbati idiay Amerika.
