Nagangaw iti aktres ken sigud a Viva Hotbabes member a ni Andrea Del Rosario maipanggep kadagiti daan a ladawan da ni Senador Ronald “Bato” dela Rosa, nga agdama a birbiruken dagiti otoridad.
Nangrugi daytoy kalpasan nga inbinglay-na iti social media iti throwback photo-da ti senador, a dagos a pinansin dagiti netizens ken kinuestion no adda ti ammo-na iti lokasion daytoy. Inlawlawag ti aktres a daanen iti ladawan ken awan ti pakainaigan-na iti agdama nga isyu.
Iti tengnga dagiti innangaw online, imbaga ni Andrea a simmakay laeng isuna kadagiti memes ken saan-na a ninamnama a dumakkel iti saritaan maipapan iti nasao a post.
Nagtultuloy iti panagangaw-na idi imbaga ti maysa a netizen a baka imbestigaran isuna dagiti otoridad, ngem insungbatna nga awan ti bibiang daytoy ken makisabsabay laeng iti online conversation.
Kabayatanna, agtultuloy a mapagsasaritaan iti sitwasion ni Dela Rosa kalpasan nga inbilin ti Department of Justice kadagiti law enforcement agencies iti panangpabirok kenkuana mainaig iti panangipatungpal ti arrest warrant manipud iti International Criminal Court (ICC).
