Inaresto sa Miami, U.S. sina social media influencers na sina Andrew at Tristan Tate matapos maglabas ang korte sa Britain ng panibagong mga kasong kriminal laban sa kanila.
Nahaharap ang magkapatid sa kabuuang 59 na kaso, kabilang ang rape, human trafficking, pananakit, at iba pang kaugnay na krimen, matapos matukoy ang apat pang umano’y biktima.
Hiniling ng Britain ang kanilang extradition upang harapin ang mga kasong isinampa laban sa kanila. Itinanggi nina Andrew at Tristan Tate ang lahat ng alegasyon at iginiit na walang katotohanan ang mga ito.
Bukod sa mga kaso sa Britain, iniimbestigahan din ang magkapatid sa Romania kaugnay ng magkahiwalay na mga kasong nagsimula noong 2022.
