Naala ni Ivan Anisimov ti LCW UAE Cycle iti maikadua a nagsaruno nga stage win iti MPTC Tour of Luzon 2026, iti Stage Five nga addaan kaadayo nga 126.7 kilometro a naangay idiay Tuguegarao City Hall, Cagayan.
Nangkailista ti 26-anyos a Russian cyclist ti oras a 2:47:25 iti maysa a mass sprint kalpasan iti paset a nangrugi idiay Santiago City, Isabela.
Immunan a nangballigi ni Anisimov iti Stage Four iti kaadayo a 165.80 kilometro manipud Palayan City, Nueva Ecija agingga Bayombong, Nueva Vizcaya.
Agpada a nakailista ti oras a 2:47:25 da Ryan Tugawin ti Excellent Noodles Cycling Team ken Lee Jung Hoon ti Seoul Cycling Team, iti pakabuklan nga 1,821.1-kilometrong 14-stage race nga indatag ti Philippine Sports Commission kadua ti Philippine Olympic Committee ken PhilCycling.
Kabayatanna, ni Ean Cajucom ti Victoria Sports Pro Cycling iti umuna a back-to-back stage winner iti 2025 edition kalpasan a dominarenda iti Stages 3 ken 4.
Iti pakabuklan nga standing, agtultuloy a suot ni LCW UAE Cycle teammate Nikita Shulchenko iti yellow jersey kalpasan a nailista ti overall time a 13:46:45 iti Individual General Classification. Adda iti maika-24 a puesto met iti 2025 champion a ni Joo Dae Yeong ti Gapyeong Cycling, nga addaan ti 3:30 a minuto nga agwat kenni Shulchenko.
Agtaltalinaed nga umuna iti Go for Gold iti Team General Classification nga addaan ti pakabuklan nga oras a 56:15:28.
Naituloy ita nga aldaw iti Stage Six nga addaan ti kaadayo a 223.7 kilometro nga agturong idiay Pagudpud, Ilocos Norte.###
