LA UNION – Maipaayan ti scholarship dagiti kualipikado nga annak dagiti mangngalap iti sapasap a Region One.
Daytoy ket ipaay ti Department of Agriculture ken Bureau of Fishery & Aquatic Resources (DA-BFAR).
Segun iti DA, maipasidong nga iti eksaminsyon dagiti annak dagiti mangngalap ket babaen iti daytoy, makita nu siasino dagiti maiparbeng a maipaayan ti scholarship.
Kabayatan na, madama itan ti panagawat iti application form kadagiti interesado a mangala ti eksaminasyon nga agpatingga inton November 7, 2018.
Naituding met ti pannakaisayangkat ti eksaminasyon inton January 26, 2019 iti oras ti alas 9:00 ti bigat iti BFAR Regional Office One a nakabase iti Barangay Sevilla, San Fernando City, La Union.
Dagiti makapasa iti eksaminasyon ket maikkan ti gundaway a mangala iti kurso a Bachelor of Science in Fishery.
