Manamnama ti annular solar eclipse wenno makunkuna a “Ring of Fire” inton rabii.
Segun ti Pagasa Astronomical Division, mapasamak daytoy agarup alas-7:13 ti rabii, oras ti Pilipinas, ken agpaut ti agarup dua a minuto ken duapulo a segundo iti peak stage daytoy.
Makita ti annularity kadagiti paset ti Antarctica, bayat a mapasaran ti partial eclipse idiay South Africa, South America, ken paset ti Indian Ocean, Pacific Ocean, ken Atlantic Ocean.
Ditoy Pilipinas, saan a makita iti nasao nga eclipse gapu ta awan iti path of annularity iti pagilian.
Nupay kasta, manamnama nga agbalin a tampok daytoy kadagiti observatory ken scientific communities kadagiti pagilian a sakop ti eclipse.
Ibilang dagiti eksperto a napateg daytoy a gundaway para iti naan-anay a panangadal iti panaggaraw ti init ken bulan, kasta met iti epekto ti eclipse iti aglawlaw.
Mangnayon pay iti gagar ti kadduan ket ti panagsabay ti eclipse iti Chinese New Year, nga ik-ikkan dagiti observers ti nagduduma a kaipapanan.
Nupay kasta, segun ti state weather bureau, awan ti pakainaigan ti eclipse iti umadani a bagyo wenno aniaman a kita ti weather system bayat nga iti biang ti Phivolcs, awan met ti makitada a koneksion dagiti panagbettak ti bulkan ken ginggined kadagiti astronomikal a pasamak.###
