Panggep ti Kamara nga iraman iti singasing nga Anti-Political Dynasty Law kas maysa kadagiti kangrunaan a maipagpannakkel a gapuanan iti masungad a State of the Nation Address (SONA) ni Ferdinand Marcos Jr. inton Hulio.
Segun kenni Lanao del Sur 1st District Rep. Zia Alonto Adiong, chairman ti House Committee on Suffrage and Electoral Reforms, ti nasao a singasing ket “number one priority” iti listaan ti Legislative Executive Development Advisory Council (LEDAC), isu a maipadpadaras a maipasa sakbay ti Lenten break ti Kongreso.
Nupay addaan ti probision iti 1987 Constitution a maibusor kadagiti political dynasties, awan pay ti naipasa nga enabling law ti Kongreso iti napalabas nga uppat a dekada.###
