BR LA UNION – Kalpasan nga ideklara ti House Committee on Justice nga “insufficient in substance” iti dua nga impeachment complaints kontra kenni Ferdinand Marcos Jr. idi Pebrero 4, 2026, anya dagiti sumaruno nga adding maiyannurot iti Rules of Procedure iti Impeachment Proceedings:
- Panangisagana ti Committee Report – Nakatuding nga ag-convene ti House Committee on Justice nga idaulwan ni Chairperson Gerville Luistro, inton Lunes, Pebrero 9, 2026, tapno isapinal ti report wenno irekomenda iti panangibasura dagiti reklamo a desisyunan ti sibubukel a plenaryo .
- Panangipatulod idiay Plenaryo: Ti nasao a report ket maipatulod iti intero a House Plenary para iti pinal a desisyon. Ti panangibasura ket dumalan iti panangpasingked ti plenaryo. Nu saan a mabaliktad iti desisyon ti komite, pormal a maibasura dagiti reklamo.
- Panagbotos ti Plenaryo: Kasapolan ti one-third (1/3) a botos iti amin a miyembro ti Kamara tapno mabaligtad (reverse) iti desisyon ti komite ken ituloy iti impeachment.
Nu paboran ti plenaryo iti desisyon ti komite, pinalen nga ibasura dagiti reklamo.
- One-Year Ban: Gaputa maibilang a maysa nga “impeachment proceeding” iti napasamak a panagdengngeg, maipaayan ti Presidente ti maysa a tawen a proteksyon wenno immunity manipud iti anyaman a baro nga impeachment complaint sipud iti aldaw a naidatag dagiti nasao a reklamo.
Kayatna sawen, nu saan a mabaliktad idiay plenaryo iti desisyon, nalpasen ti proseso ken saan a mabalin nga idatagan manen ti impeachment iti Presidente iti uneg ti maysa a tawen.
