Inyanunso ti Brave 1, maysa a state-backed defense investment group idiay Ukraine a palubosan dan dagiti foreign arms companies nga ipadas dagiti kabaroan a teknolohiya da iti mismo a front line ti gyera kontra Russia babaen ti programa a ”Test in Ukraine.”
Manipud iti nasao nga scheme ket mangipatulod ti armas dagiti kumpanya idiay Ukraine, mangipaay ti online trainings, ken urayen iti feedback manipud kadagiti soldado a nga aktwal a mangusar iti daitoy iti gyera.
Segun kenni Artem Moroz, head of investor relations ti Brave1, dakkelen iti interes ti programa ngem saan pay a nangdakamat isuna ti partikular a kumpanya a kasali kasta met iti detalye mainaig iti posible a gastos.
Panggep ti programa a mapapartak iti pannakadiskubre kadagiti epektibo a teknolohiya iti gyera kontra Russia bayat a matultulongan dagiti gangganaet a kompanya a makita iti performance ti produkto da iti aktwal a combat conditions.
Karaman kadagiti prayoridad ti Ukraine para ti testing ket dagiti kabaroan nga air defense systems kas dagiti drone interceptors,
AI-guided weapons, gliding bombs, unmanned water systems, electronic warfare tools, ken advanced fire control systems para ti eksakto nga artillery.
Mangnamnama ti Kyiv a makabukel da iti natibker a defense industry babaen iti panagpuonan dagiti gangganaet nu kasta ket kontraen ti pumigpigsa a puersa ti kalaban.
