Inwaragawag ni Armed Forces of the Philippines (AFP) spokesperson Col. Fancel Padilla a nakasagana da a tumulong iti Philippine National Police nu mairutan iti operasyon seknan iti panangarestar kenni Sen. Ronald Bato Dela Rosa
Nakasagana a mangipaay ti suporta iti Armed Forces of the Philippines (AFP) nu kiddawen ti Philippine National Police (PNP) iti tulong da para iti panangtiliw kenni Senator Ronald “Bato” Dela Rosa.
Segun kenni AFP spokesperson Col. Francel Margareth Padilla, a maymaysa laeng iti tarigagay ti PNP ken AFP a daytoy ket mangipaay iti seguridad kadagiti mapaspasamak a krimen ditoy pagilian.
Inlawlawag na nga adda iti PNP ti desisyon seknan iti operasyon a panangkemmeg iti pugante a Senador.
Maipalagip nga impaayan iti pulisiya ti maysa a lawas nga ultimatum ti senador tapno sumuko.
Naudi a nakita iti Senador idi dimmar-ay iti sesyon ti senado idi Mayo ngem sipud idin ket saanen a makita kalpasan nga inlibas ti pada na a senador.
Inton Nobyembre ket maysa a tawenen ti warrant of arrest nga impaulog ti International Criminal Court (ICC) kontra iti Senador iti kaso a crime against humanity gaputi nabara a kampanya ni sigud a presidente Rodrigo Duterte kontra iligal a droga.
