LA UNION – Nakarekobre dagiti otoridad iti sumagmamano nga arwaten dagiti rebelde a New People’s Army (NPA) idiay probinsiya ti Aurora.
Nasarakan daytoy dagiti kameng ti 91st Infantry (Sinagtala) Battalion, 7ID, PA, bayat ti insayangkat dagitoy a security operations iti nasao a lugar.
Base iti impormasyon, narekobre dagiti suldado iti assorted medicine supplies, maysa a gallon a nagkarga ti bagas, ken caldero manipud iti abandonado a hideout dagiti rebelde iti hideout idiay Barangay Diaat, Maria Aurora.
Maipalagip nga iti nasao a lugar, napasamak ti gandat a panangagaw dagiti rebelde nga NPA iti kuwarta manipud SAP nga imet dagiti suldado a nairanta para kadagiti residente sadiay nga apektado ti coronavirus disease wenno COVID 19.
Timpuar ti rinnanget iti baetan ti militar ken rebelde a nakatayan iti dua a suldado.
Iti nasao met laeng a lugar, nasurok 20 a supporters ti NPA iti simmuko iti militar itay laeng nabiit.
