Asawa ni Sen. Bato, immapela a saan nga aramiden nga alikamen iti hudikatura iti panangiturong iti senador idiay The Hague
Nag-apela ni Grace Nancy dela Rosa, asawa ni Senador Ronald dela Rosa, iti hudikatura ti Pilipinas a saan nga agbalin a katulongan iti panangipatulod iti asawana idiay The Hague, Netherlands.
Daytoy ket iti tengnga ti pananganop dagiti otoridad iti senador kalpasan a nangipaulog ti International Criminal Court ti arrest warrant mainaig iti kontrobersial a gubat kontra droga.
Iti statement idi kalman, Mayo 25, inpaganetget ni Nancy dela Rosa a tunggal Pilipino ket rumbeng a mausig iti sidong ti bukodna a hudisial nga hudikatura ken saan nga iti ganggannaet a korte.
Segun kenkuana, ti boluntario a panangisuko ti gobierno iti maysa a Pilipino iti international court ket maysa a panangaklon a nakapuy ken saan a makabael iti hustisia ti Pilipinas.
Impaganetgetna pay nga iti kaso ti asawana ket padpadakkelen laeng gapu iti politika.
Kinunana, no adda ti rumbeng a masuro iti kaso ni sigud a Presidente Rodrigo Duterte, saan a isuko iti maysa manen a Pilipino.
Naimpusuan met isuna a nagapela iti hudikatura a saan nga isuko iti responsibilidad daytoy kadagiti umili ken ilaban iti soberano a karbengan ti pagilian gapu ta malaglagipto ti desision iti pakasaritaan.###
