Pinapigsa dagiti mangidadaulo ti militar iti Southeast Asia iti baro a plano para iti kooperasion pangdepensa tapno papigsaen iti kolektibo a seguridad iti rehiyon iti tengnga dagiti tumtumpuar a pangta.
Nagbalin a bunga daytoy ti balligi a panangidaulo ti Armed Forces of the Philippines (AFP) iti 23rd ASEAN Chiefs of Defence Forces Meeting (ACDFM) idi Mayo 21 iti Conrad Hotel idiay Pasay City.
Inaprobaran dagiti pagilian a miembro ti ASEAN iti ASEAN Militaries Two-Year Activity Work Plan 2026–2028 ken ti 23rd ACDFM Joint Statement.
Segun kenni AFP chief of staff Gen. Romeo Brawner, panggep dagiti katulagan a paunegen iti koneksion pangdepensa, mapasayaat iti interoperability dagiti tropa, ken mapagtalinaed iti kinatibker iti rehiyon.
Iti sidong ti tema a “Securing Our Future, Together,” karaman iti plano iti panangpalawa ti joint military exercises, naur-urnos a koordinasion, ken dagiti inisiatiba iti humanitarian assistance and disaster response (HADR).
Impaganetget met ni Brawner a patpatibkeren ti panagtaripnong iti prinsipyo ti ASEAN Centrality ken iti kinapateg ti kolektibo a panagtignay para iti kinakappia ti Southeast Asia.###
