Kontrolado itan ti African Swine Fever iti segundo distrito iti probinsiya iti La Union.
Daytoy iti kinumpirma ni Provincial Veterinarian Dra. Nida Gapuz, a ti umuna a distrito iti probinsiya iti madama ita a tutukanda agsipudta adda pay laeng dagiti Barangay ditoy iti makailislista iti kaso iti ASF kabayatan iti pannakaiuman ti Bombo Radyo La Union kenkuana.
Agtaltalinaed met iti nainget a panagbantayda kadagiti animal quarantine checkpoints iti probinsiya ken iti pannakikoordinarda iti tunggal ili nga addaan iti kaso iti ASF tapno naananay a makontrol daytoy.
Innayon pay ni Dra. Nida Gapuz a 15% ti porsyento ti bilang dagiti baboy ditoy probinsiya ti naapektaran iti ASF.
Saan na met nga ikikkaten ti posibilidad a gapu iti ASF ket bimmaba iti suplay iti baboy ditoy probinsiya ken nakaapektar iti nangato a presyo ita ti karne iti baboy.
Maipalagip a ngimmato pay ti presyo iti karne iti baboy ditoy lokalidad gapu iti nababa a suplay ken ti panagngato ti patong dagiti pagangangkatan dagitoy.
