LA UNION – Naisalakan iti naan-anay a pannakaisagmak ti maysa nga aso kalpasan daytoy a matinnag iti bubon nga aguneg iti 20 a kadapan idiay Barangay Santiago Norte, San Fernando City, La Union.
Immuna ditoy, indanon ni misis Cristina Rualo, residente iti nadakamat a lugar ti nasao nga insidente babaen iti panawagan center ti Bombo Radyo La Union.
Kinuna na, tallo nga aldaw a nagtalinaed iti uneg ti bubon ti nasao nga aso.
Kabayatan na, dagus met a nangaramid ti aksyon ni Punong Barangay Gilbert Duclayan tapno maisalakan ti ayop sakbay man pay nga maudi ti amin kalpasan a nakikoordinar ti Bombo Radyo kenkuana.
Nupay kasta, aminado ni Punong Barangay Duclyan a delikado ti nasao a bubon agsipudta mabalin nga madisgrasya ken matay ti tao a matinnag ditoy.
Inpanamnama met ti opisyal nga urnosenda daytoy tapno saanen a maulit pay ti nasao nga insidente.
