BR LA UNION — Nagbalin nga emosyunal iti maysa a fur parent iti pannakatay ti taraken na nga aso gaputi sakit.
Segun kenni Albert Manalo ti Oyo Torong St. Kalibo, ibilang na kas bukod nga anak dagiti taraken na nga aso, isunga impaayanna ti disente a lamay ti natay nga aso na a managan Mikko.
Kas kadagiti ordinaryo a lamay a maipapaay iti natay a tao, ingkabil da iti bassit a lungon ti aso a ni Mikko.
Kinabilan da pay ti korona iti aglawlaw ti lungon ti natay nga aso ken adda met nakasindi a kandila.
Segun kenni Manalo, ibilang na nga anak iti aspen a 15 -anyos a tinarakenna, ngem natay itay laeng nabiit gaputi limteg nga spleen daytoy.
Uray nu nasakit para kenkuana ti pannakatay ti tarakenna a sang-sangitanna agingga ita ket ikag-kagumaanna a saan unay a maapektaran, gapu iti edad na a pitu-pulo ket saanna a mabalin ti ma-stress ken ma-depress.
Kinuna na a grabe ti bonding da iti nasao nga aso na ken saan na nga ibilang nga ayup, ngem ketdi ibilang na a tao, agsipudta malaksid a nala-ilo ti aso ket agka-abay da pay a maturog.
Adda pay kunana ti bukod a yaya dagiti aso na, nga iti agdama ket lima laengen ti nabatbati, tapno adda mangasikaso ti kasapolan dagitoy.
