LA UNION – Inarestar dagiti otoridad idiay Russia iti maysa a 29-anyos a lalaki manipud Uzbekistan, a maipagarop a responsable iti pammapatay kenni chemical, radiological and biological weapons unit, Lt. Gen. Igor Kirillov ti Russia a nakairamanan ti assistant na a ni Ilya Polikarpov idiay Moscow.
Iti suspek nupay saan a ninaganan dagiti otoridad ket binigbig ti FSB, maysa a domestic intelligence agency ti Russia, a ni Akhmad Kurbanov.
Segun kenni Svetlana Petrenko, spokesperson iti Russia’s Investigative Committee, iti suspek ket naipaayan ti $100,000 ken European residence kas bayat iti inaramid na a krimen.
Iti matudtudo a nang-hire ken nangbayad iti suspek, segun kenni Petrenko, ket ti Ukrainian special services.
Immunan nga inaklon ti security service ti Ukraine nga SBU nga isuda ti adda iti likod ti nasao nga operasyon.
Maipalagip a napatay ni Kirillov kalpasan a namulaan ti bomba iti motorsiklo na a nakaparada iti sango ti pagtaengan na idiay Moscow.
Iti natay a Russian general ket isuna ti mangidadaulo iti Radiation, Chemical and Biological Protection Forces.
