Pinaglibakan ti rookie player ti Ateneo de Manila University a ni Kieffer Alas iti espekulasion nga adda pakainaigan na iti hazing iti team-building activity a nakatayan da Divine Adili ken Rene Clert Baterbonia.
Segun kenni Alas ken teammate na a ni Sam Reyes, paset ti panagsagana para iti UAAP Season 88 iti aktibidad tapno papigsaen iti panagkakadua ken mental toughness ti koponan.
Kenunana, naaddaan ti orientation manipud kadagiti coach maipapan iti rip currents, umno a panagresponde, ken dagiti pisikal a karit sakbay iti aktibidad.
Nupay kasta, maigarup nga inyanod ida dagiti dadakkel a dalluyon a nagbalin nga rason ti pannakatay dagiti dua a players.
Kasaruno ti trahedya, immatras ti Ateneo Blue Eagles iti FilOil Preseason Cup ken inawat ti liderato iti panagikkat ni head coach Tab Baldwin ken team manager Epok Quimpo.###
