Narsuod iti atep ti Seaoil gas station, a nakabase iti Diversion road, Purok uno, Barangay Sevilla, San Fernando City, La Union gapwanan ti napasamak a landslide iti bantay.
Napasamak ti pannakarsuod iti atep ti nasao a gas station agarop alas 3:00 ti parbangon.
Immuna ti daytoy, nakapasar iti napigsa a panagtudo iti syudad pasado alas 12:00 itay parbangon a nagpaut ti nasurok 30 a minuto.
Kas resulta, nargaay ti daga iti bantay a nakarsuodan iti pader ti gasolinaan kasaruno iti pannakarsuod iti atep ti seaooil.
Nupay kasta, awan ti naipadamag a nasugatan iti insidente.
Iti interview ti Bombo Radyo kenni John Celeste, kahera ti nasao a gas station, pinakaamwan isuna ti maysa a kadwa na a narsuod iti pader, isunga nakapanaw a dagus iti cashier booth, ket naliklikan iti pannakaisagmak daytoy.
Dagus met a nagturong ni Barangay Sevilla Chairperson Mercita Sulmarin iti nasao a lugar.
