BR LA UNION – Nagsaon ni Atty. Amando Virgil Ligutan seknan iti panang-red tag kenkuana.
Rimwar kadagiti online post a kabilang isuna iti National Union of People’s Lawyers (NUPL).
Segun kenni Ligutan, ti nasao nga alegasyon ket awanan ti basaran ken awan serbi na.
Ni Ligutan ket maysa kadagiti private lawyers a mangirep-representar ti prosecution panel ti House of Representatives iti impeachment trial ni Vice President Sara Duterte.
Mamati iti abogado a gapu iti trabaho na iti impeachment trial isunga rimwar dagiti nasao nga isyu.
Naklaat laengen idi maamwan na ti nasao nga alegasyon, ngem pulos kunana a saan a nagbalin a miyembro ti National Union of People’s Lawyers.
Immuna ti daytoy, inwaras ti sigud nga opisyal ti gobyerno a ni Lorraine Badoy iti social media a ni Ligutan ket konektado iti terorista grupo.
