LA UNION – Pinaglibakan iti asawa ni Vice President Sara Duterte ken abogado a ni Mans Carpio dagiti alegasyon ni sigud a Customs intel officer Jimmy Guban a karaman isuna iti smuggling ti ilegal a droga.
Segun kenni Carpio, awan ti basaran ken saan a pudno dagiti t alegasyon kontra kenkuana.
Kumpiyansa ni Carpio iti abilidad dagiti miyembro ti Kamara de Representantes a madetermina iti claims ni Guban a mangiram-raman kenkuana kasta metten kenni Davao City 1st district Cong. Paolo “Pulong” Duterte nga inawaganna politicaly motivated.
Immunan nga imbaga ni VP Sarana maibilang a political harassment dagiti alegasyon kontra iti asawa ken kabsat na .
Maipalagip nga imbutaktak ni Guban a simmango kas testigo iti panagdengngeg ti House Quad Committee idiay Bacolor, Pampanga idi Agosto 16, a maipagarop a nabilin isuna a mangirwar kadagiti kargamento a naglaun ti ilegal a droga a maipagarop a kukua da Cong. Pulong, Mans Carpio ken negosyante a ni Michael Yang.
