Nangipila ni sigud a Presidential Spokesperson Atty. Harry Roque ti petision iti Court of Appeals mainaig ti pannakakansela ti pasaportena ken panangideklara kenkuana kas pugante.
Segun iti kampo na, naipila ti Petition for Certiorari tapno kuestionaren iti ruling ti Pasig City Regional Trial Court ken pasardengen ti pannakaipatungpalna.
Impaganetget ni Roque nga awan ti legal a basaran dagiti nasao nga addang ken naglabsing iti karbengan na, pakairamanan ti due process, presumption of innocence, ken freedom to travel.
Innayonna a saan a binigbig ti korte iti kiddawna nga asylum idiay Europa a masapul a masurot iti sidong ti international law.
Sumangsango ni Roque iti kaso a qualified human trafficking mainaig iti operasion ti naraut a POGO hub idiay Porac, Pampanga.###
