Nangiruaren iti opinyon ni sigud a Commission on Elections Commissioner Atty. Rowena Guanzon mainaig iti isaysayangkat nga imbestigasyon ti Departmet of Justice (DOJ) ti kaso dagiti ‘missing sabungeros’.
Imbatad na a saan a patas ken nainkalintegan nu ibaga a ‘criminal syndicate’ ti grupo ti nalatak a business tycoon a ni Mr. Charlie “Atong” Ang idinto a saan pay met a nagrangrang-ay wenno narugrugian iti preliminary investigastion ti nasao a kaso.
Innayon na pay a ti panagbalin a Secretary of Justice ken ‘above politics,’ a patas ken sumursurot iti ‘due process’ kas panagtungpal iti linteg. Daitoy ket natural para iti posisyon agsipud ta ti sekretaryo iti maudi nga agperma iti mairuar a resolusyon ti kaso manipud met iti piskalya.
