Nag-apela ni Attorney Israelito Torreon kadagiti Senador nga ikonsidera ti masakbayan ti pagilian apaman a matuloy ti panagbotos inton sumaruno a lawas iti nagbalin a desisyon ti Korte Suprema mainaig iti impeachment complaint kontra kenni Bise Presidente Sara Duterte.
Ni Torreon ket maysa kadagiti abogado a nangipila ti petisyon iti Korte Suprema tapno babalawen ti legalidad ti reklamo a banag a pinaboran ti korte.
Segun kenni Torreon, awan iti makalapped kadagiti Senador nu pagbotosan da nga ituloy wenno saan iti panangitandudo ti panagdengngeg kontra ti Bise Presidente. Nupay kasta nasken kunana nga ikonsidera da iti masakbayan ti pagilian agsipud ta ti resulta ti aramiden da ket sigurado a mangigubuay iti constitutional crisis a mangpataud iti ad-adu pay a problema.
Kinunana a karbengan ti tunggal Senador ti pagbotosan ti dikta iti karirikna da inton eleksyon ken agtalek iti abogado a kaadwan kadagiti Senador ket maaw-awatan ti bileg ti Korte Suprema nga ikkan iti interpretasyon kadagiti probisyon ti linteg.
