LA UNION – Pinabettakan dagiti terorista iti headquarters ti aviation company idiay Ankara, Turkey.
Segun kenni Interior Minister Ali Yerlikayan, maysa a tao ti natay ken adu dagiti nasugatan.
Segun kadagiti otoridad, nakangngeg da iti napigsa a panagbettak iti entrada ti Turkish Aerospace Industries (TAI) a masarakan iti 40 kilometro iti ruar ti Ankara.
Malidayan met ni Ankara metropolitan mayor Mansur Yavas iti napasamak nga insidente.
Agtultuloy ti ar-aramiden nga imbestigasyon dagiti otoridad.
