LA UNION – Nangipeksa ti panagyaman gaputi tulong ti Bombo Radyo La Union iti maysa a 54-anyos nga avid listener kalpasan a natuloy ken naipasidong met laengen iti operasyon na ita nga aldaw, Hulyo 3, 2017.
Daytoy ket kalpasan iti naminpat a daras a pannakaitantan ti operasyon iti bukot na, nga isuti mangipapaay ti sakit ken panagbibineg iti sumagmamano a paset ti bagi na.
Maipalagip a personal a nagkamang iti broadcast center ti Bombo Radyo La Union ni Feliciano Sobredilla, ti Barangay Wenceslao, Caba, La Union gaputi arigna saan a panangasikaso kenkuana iti nakaiturongan na nga ospital, tapno ipasidong daytoy iti operasyon.
Maipalagip nga iti palawag na idi napan a lawas, namin-uppat a daras nga intantan ti doktor ti pannakaipasidong na koma iti surgery, manipud Hunyo 19; naitantan iti Hunyo 23; naituding a Hunyo 30 agingga nga imbaga ti doktor na a mai-schedule daytoy iti July 10, 2017.
Na-admit ti pasyente iti ospital idi Mayo 29,2017.
Ngem babaen iti tulong ti Bombo Radyo, naipatungpal met laengen iti operasyon ni Sobredilla ita nga aldaw.
