LA UNION – Impanamnama ti Department of Trade and Industry (DTI) La Union Provincial Office nga awan ti nagbaliwan iti presyo dagiti basic goods ken prime commodities iti probinsiya base iti kaudian a naisayangkat a monitoring idi napalabas a lawas.
Iti pannakiuman ti Bombo Radyo La Union kenni DTI La Union Provincial Director Merlie Membrere, kinunana nga amin a produkto ket maiyannurot wenno within the suggested retail price (SRP).
Impasigurado met ni Director Membrere a numan pay sumagmamano kadagiti ili ditoy probinsiya ti adda iti sidong iti MECQ ket saan met nga apektado ti suplay no diket umdas pay laeng daytoy.
Sinigurado met iti nadakamat nga opisyal ti agtultuloy a nainget a price monitoring iti ahensiya tapno makita a naimbag ti panagtulnog dagiti negosyante iti fare trade laws ken ti price tag act.
