LA UNION – Inlawlawag ti Phivolcs nga awan ti pangta ti tsunami kadagiti aplaya wenno kabaybayan ti Pilipinas, iti laksid ti 7.1 magnitude a ginggined idiay Kyushu, Japan agarop alas-3:42 itay malem.
Maibasar iti lokal a datos ti ahensiya, nadetermina iti 6.9 a magnitude, apagapaman a nababbaba kumpara iti initial report manipud Japan a 7.1 a magnitude.
Aguneg daytoy ti 33 kilometers ken tectonic in origin.
