LA UNION – Kinumpirma iti liderato ti La Union Police Provincial Office (LUPPO) nga awanen ti private armed groups (PAG’s) nga iggem iti agdama nga agtuturay a nabutusan nga opisyal ti lokal a gobyerno idiay probinsya ti La Union.
Iti pannakiuman ti Bombo Radyo kenni S/Supt. Ricardo Layug Jr., Provincial Director ti LUPPO, kinunana a napukaw dagiti PAGs iti La Union kagiddan iti saan a pannakaipatugaw ti pwesto wenno awanen iti posisyon ti gobyerno dagiti sumagmamano a mabigbig a personalidad idiay probinsya.
Sigun pay kenni Layug, dua a PAGs laeng ti namonitor idi ti pulisya iti La Union nga imatmatunan dagiti politiko.
Ngem gapu ta umadanin ken kas panagsaganan kinunana iti 2019 midterm election ket sipsiputanda dagiti saanen a nainaganan a personalidad nga addaan ti kabaelan a mangbukel iti armado a grupo.
“Wala na po ‘yan (PAGs). Dahil ‘yong mga namumuno sa kanila ay wala na rin sa pwesto. So, isa na rin po ‘yan sa mga tinitignan natin bilang paghahanda sa nalalapit na eleksyon. Titignan din natin kung kakandidato ang mga ito sa susunod na eleksyon kung mabubuhay uli ang private armed gruops na ito”, ani ni Layug.
Kabayatanna, lalo ita nga inirutan iti pulisya ti panangkamat iti Marzan’s gun for hire group a maipagarup a karaman iti naduma-duma nga insidente ti panangpapatay idiay La Union.
Kinuna pay ni Layug, napilayan metten ti nadakamat a grupo kalapasan a mapapatay iti maysa a police operation ti leader a ni Salvador Marzan Sr. ken nakemmeg metten ti sumagmamano a miyembro daytoy.
Ngem saan pay a nasken nga agkompiyansa ti pulisya gapu ta simmukat a nangidaulo iti grupo ti anak daytoy a ni Salvador Marzan Jr. a madama nga aglemlemmeng.
Malaksid iti panagbalin gun for hire sigun kenni Layug, karaman met iti illegal drug trade ti nasao a grupo.
Im-imbestigaran met ita ti LUPPO no ar-aramaten met ti sumagmamano a politiko idiay probinsya ti grupo dagiti Marzan iti panangisaknap ti kinadamsak.
“Mayroon po tayong na-identified. ‘Yong Marzan drug group o gun for hire group na rin po sila. Pero, ‘yong pinakalider po nito ay namatay na during police operation na si Salvador Marzan Sr. At pumalit ay ang anak na si Marzan Jr. na ngayon ay nagtatago dahil sa mga kaso,” sabi pa ni Layug.
Immuna iti daytoy, imbilin ni Director General Oscar Albayalde, hepe ti Philippine National Police, iti crack down operations kontra kadagiti PAGs ken gun for hire group gapu iti nagsasaruno a panagatake kadagiti nabotosan nga opisyal ti gobyerno kadagiti naduma-duma a probinsya.
Maipalagip, iti report a nairuar ti Zenarosa Commission wenno ti independent body a nang-imbestigar kontra ti PAGs ditoy pagilyan a nabukel idi Decemeber 2009 iti sidong ti administrasyon ni sigud a Pangulo Gloria Macapagal Arroyo, ket maysa iti probisya a La Union kadagiti nairaman ti listaan nga addaan ti armado a grupo nga imatmatunan iti sumagmamano a politiko.
