Panggep nga iraman ni Senate Minority Leader Tito Sotto III iti “shame campaign” ti Department of Transportation (DOTr) ti back-up cars dagiti opisyales ti gobierno kontra kadagiti aglablabsing ti paglintegan ti trapiko.
Dinakamat ni Sotto a dagitoy a back-up cars ket kadawyan nga aglablabsing ti paglintegan ti trapiko.
Kinunana dagitoy ket masansan a karaman kadagiti kaso ti swerving wenno panagsingit kadagiti sabali a lugan isu a dagitoy ket rumbeng a maibabain.
Iti sabali a bangir, impasiguro met ni Senator JV Ejercito nga awan iti labsingen a karbengan ti siasinoman iti DOTr sakbay nga iyuswat ti plano da a shame campaign.
Kabayatanna, inrekomendar met ni Senator Erwin Tulfo a mairaman iti daitoy a kampanya dagiti maulit-uliten nga aglablabsing ti paglintegan ti trapiko.
