Imbinglay ni PMAJ Ariel Saltin ti Bacnotan Police Station iti sitwasyon ti panang-obserbar dagiti umili ti Todos lo Santos.
Segun kenni Pmaj Saltin, awan pay ti insidente a nasarakan da ita nga aldaw ken obobserbaran da ti mapaspasamak a panagbisita kadagiti tattao ti agduduma a paset ti kamposanto idiay Bacnotan Public Cemetery, Galungin Cemetery, ken Paratong Cemetery.
Addaan ti naan-anay a personnel kadagiti lugar a dupdupodopen ti tattao kas kadagiti kalsada ken sementeryo.
Kabinnulig da met ti Bacnotan LDRRMO ti panang-responde ken panagsigurado ti kinatalged dagiti umili.
Adda ti pakabuklan nga 41 personnel a mangited ti responde ken serbisio-publiko.
Innayon na pay nga ti agdama ket makita ti panaginget ti trapiko gapu ti panagadu dagiti sumarungkar.
Dagiti agbisita ket inpakdaaran da met nga agimet ti payong, danom, ken dadduma pay a banag tapno maliklikan ti panaka-ulaw.
Impalagip pay ni PMAJ Saltin kasapulan a suruten dagiti protocols nga ipapatungpal ti munisipalidad tapno agtalinaed ti kinakapia kas ti maiparit nga agimet dagiti natatadem a banag, alcoholic drinks, ken naririri a banag.
