BR LA UNION – Dinidigra ti Bagyo Danas (sigud a Bising) iti laud a paset ti Taiwan idi rabii ti Domingo, nga adddaan kabuy-buyog nga angin nga umabot iti 220 kilometro kada oras, ken nangigubway ti nalawa a perdisyon, kabilang iti dua a natay ken nasurok 500 dagiti nasugatan.
Maibasar iti damag, masansan a tamaan ti bagyo iti dumaya a paset ti isla, ngem man-manu a tumama iti natao a lugar wenno kadackelan ti populasyon.
Gaputa peligro, nairikep dagiti establishimento ken pagadalan.
Segun kadagiti otoridad nasurok a 700 a pu-on ti kayo iti nabuwal, rinibu a babbalay iti napukawan ti kuryente ken nasurok 300 flight iti nakanselar.
Nadadael pay ti sumagmamano a kalsada, poste, ken pasdek kabilang iti maysa a paset ti templo idiay Tainan.
Inallokoy ni Taiwan President Lai Ching-te dagiti umili nga agsagana kontra iti nalawa nga epekto ti bagyo.
Kabayatanna idiay China, naipangato ti alert level idiay Zhejiang province gaputi manamnama a panagduprak ti Typhoon Danas idiay siyudad ti Taizhou ken Fuzhou inton bigat, Hulyo 8.
Suspendido metten iti 121 a barko ken 64 ferry routes kas paset iti panagsagana.
