LA UNION – Pimmigsa ti bagyo “Dindo” a nabukel iti amianan-a-daya a paset ti Itbayat, Batanes.
Segun iti Philippine Atmospheric Geophysical and Astronomical Services Administration (PAGASA), maysa itan a Tropical Storm
iti bagyo Dindo.
Naudi a nasaripatpatan iti kaadayu a 640 km amianan-a-daya ti Itbayat, Batanes. Kabuyog na ti kapigsa ti angin a 65 km/h asideg itisentro ken apegges a dumanon iti 80 km/h.
Dup-dupagenna ti palaud a direksiyon iti kapartak a 20 km/h.
Maibasar iti weather bulletin ti PAGASA, awan iti direkta nga epekto ti bagyo Dindo iti kadagaan ti pagilian, ngem daytoy ti mangpa-dawel iti kabaybayan agraman ti habagat partikular iti sakopen ti Extreme Northern Luzon.
Iti bagyo Dindo ket manamnama a rumuar iti Philippine Area of Responsibility iti sumaruno nga innem nga oras wenno agingga malem.
Iti ruar ti PAR, agturong ti Tropical Storm iti Korean Peninsula wenno iti kabaybayan ti eastern China.
