BR LA UNION – Makapad-padas iti napigsa a panagtudo ken napigsa nga angin iti probinsiya ti Batanes gapu iti bagyo Gorio.
Idiay met Ilocos Norte, Apayao, ken Cagayan ket makapad-padas ti naulep a tangatang, mawaras-waras a panagtudo ken panaggarru-od, gapu iti bagyo Gorio.
Dagiti lugar idiay MIMAROPA, Western Visayas, Negros Island Region, Zamboanga Peninsula, BARMM, SOCCSKSARGEN, Camarines Sur, Catanduanes, Albay, Sorsogon, ken Masbate ket addaan ti nakuyem a panawen, mawaras-waras a panagtudo ken panaggarru-od, kas epekto ti agraraira a Southwest Monsoon wenno habagat.
Idiay met Metro Manila ken nabatbati a paset ti pagilian a pakairamanan ti La Union ket addaan ti agapaman a panagkuyem ti tangatang, mapattopattok a panagarbis wenno panaggarru-od, nangruna ti malem wenno rabii, gapu iti agraraira a Localized Thunderstorms.
Iti sabali a bangir, ti bagyo Gorio ket namnamaen a kumapsot kalpasan nga ag-landfall idiay eastern coast ti Southern Taiwan, kalpasanna ket rumwaren iti Philippine Area of Responsibility (PAR) inton malem wenno rabii.
