Agtultuloy iti panagdalan ti Tropical Storm Maymay iti Amianan a Luzon kalpasan a nasaripatpatan iti sentro daytoy iti bisinidad ti Bangued, Abra itay alas-8:00 ti bigat.
Agtaltalinaed a kabuyog ti bagyo iti kapigsa ti angin a dumanon iti 65 kilometro tunggal oras asideg iti tengnga ken kapegges nga agingga 110 kilometro tunggal oras, bayat nga agturong daytoy iti daya a direksion iti kabuntog a 10 km/h.
Segun ti PAGASA, namnamaen a kumapsut pay tii bagyo bayat a lumaslasat iti nabantay a paset ti Northern ken Central a Luzon ken posible nga agbalin a tropical depression ita bigat wenno naan-anay nga agbalin a remnant low inton malem wenno inton rabii.
Nakaibayog ti Tropical Cyclone Wind Signal no. 2 dagiti sumaganad a lugar:
- Ilocos Norte
- Northern and central portion of Ilocos Sur (Gregorio del Pilar, Magsingal, San Esteban, Banayoyo, Cervantes, Burgos, City of Candon, Santa Lucia, Santiago, San Vicente, Santa Catalina, Lidlidda, Nagbukel, Sinait, Suyo, Sigay, San Ildefonso, Galimuyod, Quirino, City of Vigan, San Emilio, Cabugao, Caoayan, San Juan, Santa, Bantay, Santo Domingo, Tagudin, Santa Cruz, Santa Maria, Narvacan, Salcedo)
- Western portion of Apayao (Conner, Kabugao, Calanasan)
- Abra
- Western and central portion of Kalinga (Pasil, Tinglayan, Balbalan, Lubuagan, Pinukpuk, City of Tabuk, Tanudan)
- Western and central portions of Mountain Province (Besao, Tadian, Bauko, Sagada, Sabangan, Bontoc, Sadanga, Barlig, Natonin)
Nakaibayog met ti Tropical Cyclone Wind Signal no. 1 kadagiti sumaganad a lugar
- La Union
- Rest of Ilocos Sur
- Northwestern portion of Pangasinan (Bolinao, Anda, Bani)
- Rest of Apayao
- Rest of Kalinga
- Rest of Mountain Province
- Ifugao
- Benguet
- Southern portion of Babuyan Islands (Calayan Is., Dalupiri Is, Fuga Is., Camiguin Isl.)
- Mainland Cagayan
- Isabela
- Quirino
- Nueva Vizcaya
- Northern and central portion of Aurora (Dilasag, Casiguran, Dinalungan, Dipaculao)
Nagballaag met ti PAGASA iti posibilidad ti flash flood ken panagreggaay ti daga gapu iti katamtaman agingga napigsa, ken sagpaminsan a nakaro a panagtudo. Kadakkelan a pangta iti manamnama idiay Ilocos Norte, Ilocos Sur, Abra, Mountain Province, Kalinga, ken Apayao, no sadino posible met a mapasaran dagiti napipigsa agingga ti gale-force nga angin.
Manamnama met iti panagtudo nga addaan ti agpabugso-bugso nga angin ken agtaltalinaed iti panagta ti panaglayos ken landslide ditoy La Union, idiay Benguet, Ifugao, Cagayan, Isabela, Nueva Vizcaya, Quirino, ken Aurora.
Gapu ti napapigsa nga Habagat, makapadas met ti sagpaminsan a panagtudo idiay Metro Manila, Rizal, Cavite, Batangas, Laguna, ken Occidental Mindoro, bayat a naulep a tangatang nga addaan ti mawaras-waras a panagtudo ken panagguruod iti manamnama iti nabatbati a paset ti Central Luzon, Pangasinan, MIMAROPA, Quezon, ken Antique.
Posible dagiti mapatto-pattok a panagtudo ken thunderstorms iti nabatbati a paset ti pagilian gapu ti localized thunderstorms.
