Pimmartak iti garaw ti Tropical Depression Neneng bayat iti panagturongna iti kabaybayan a sakupen ti akindaya a paset ti Taiwan.
Naudi a nasaripatpatan iti bagyo iti kaadayo a 390 km Amianan ti Itbayat, Batanes. Kabuyog na ti angin a 45 km/h asideg ti tengnga ken kapegges nga agingga 55 km/h bayat a dupdupagen iti laud amianan a palaud iti kapaspas a 30 km/h.
Kabayatanna, dua a bagyo iti mabanbantayan iti ruar ti Philippine Area of Responsibility (PAR).
Naudi a nasaripatpatan ti Tropical Storm Saudel iti kaadayo a 2,960 km Daya ti Northeastern Mindanao ken ti maysa pay a bagyo iti kaadayo a 1,100 km Daya ti Extreme Northern Luzon.
Kabayatanna, agtultuloy a mangigubuay iti Southwest Monsoon ti occasional rain wenno sagpaminsan a napigsa a buyat ti tudo iti sapasap nga Ilocos Region, Batanes, Zambales, ken Bataan.
Iti kapada a weather system iti mangigubuay ti mawaraswaras a panagtudo idiay Metro Manila, Cordillera Administrative Region, nabatbati a paset ti Cagayan Valley, nabatbati a paset ti Central Luzon, Cavite, Batangas, Laguna, Rizal, Occidental Mindoro, Oriental Mindoro, ken Palawan.
Bayat nga apagapaman agingga nalulem a tangatang ken mapatto-pattok a panagarbis iti nabatbati a paset ti pagilian gapu ti localized thunderstorms.
SUNRISE: 5:43 AM
SUNSET: 6:20 PM
