Nagpagtalinaed ti Tropical Depression Basyang iti kapigsana bayat dupdupagen ti Abagatan-a-Laud ti makindaya a Mindanao.
Naudi a nasaripatpatan iti bagyo iti kaadayo a 735 km Daya ti Hinatuan, Surigao del Sur ken addaan ti kapartak a 15 km/h.
Kabuyog na iti kapigsa ti angin a 55 km/h asideg ti sentro ken kapegges nga agingga 70 km/h.
Maibasar iti latest bulletin ti PAGASA, nakaibayog ti Tropical Wind Signal No. 1 dagiti sumagmamano a lugar idiay Mindanao, partikular ti Surigao del Sur ken makindaya a paset ti Surigao del Norte (Claver, Gigaquit, Bacuag) karaman ti Siargao-Bucas Grande Islands.
Segun ti forecast track, aglandfall iti sentro ti bagyo idiay Eastern Mindanao iti nagbaetan ti Pebrero 5 ti rabii ken bigat ti Pebrero 6 sakbay nga agdalyasat iti kadagaan ti eastern Mindanao, ken Central ken Western Visayas.
Rumuar ti bagyo idiay SuluSea inton Sabado, Pebrero 7 ti bigat.
